Ուտել, թե չուտել. վիճելի 5 սննդամթերք. 1in.am

Գրեթե ամեն օր նոր դիետաներ, սննդի նոր սկզբունքներ են հայտնվում: Դրանք բոլորն էլ արգելում են մի սննդամթերք և գովաբանում մյուսը: Արդյունքում սև ցուցակում են հայտնվում շատ ուտեստներ, որոնց մենք մանկուց ենք սովոր: Արդյոք օգտակար կամ վնասակար են այդ մթերքները, գրում է Elle.ru-ն:

1. Կաթ

Մի քանի տարի առաջ դիետոլոգները հալածում էին կաթը: Չինական սննդակարգին հետևողներն այն գրեթե ամենագլխավոր կանցերոգենն են համարում: Սակայն մեզ մանկուց սովորեցրել են, որ կաթը կալցիում և շատ օգտակար նյութեր է պարունակում, որոնք ամրացնում են ատամները, մազերը, եղունգներն ու ոսկրերը: Սակայն կաթից հարկավոր է հրաժարվել, եթե չեք ընդունում լակտոզան կամ կազեինը, ինչը հազվադեպ է պատահում:

2. Կարտոֆիլ

Օսլա պարունակող այս բանջարեղենը դիետոլոգների մոտ նույնպես սև ցուցակում է: Իրականում կորտոֆիլի մեջ պարունակվող բոլոր վիտամիններն անցնում են ջրի մեջ, որի մեջ եփվել է կարտոֆիլը: Ավելորդ կիլոգրամների պատճառը ոչ թե կարտոֆիլն է, այլ դրա պատրաստման ձևը: Կարտոֆիլն օգտակար դարձնելու համար հարկավոր է զեյթունի ձեթով տապակել ջեռոցում և ուտել ոչ թե երեկոյան, այլ ճաշին, իսկ ստացած էներգիան կբավականացնի մինչև երեկո:

3. Սոյա

Արտադրողները պնդում են, որ սոյայից պատրաստված ցանկացած մթերք շատ օգտակար է և կարող է փոխարինել մսին, ձկանը, կաթնաշոռին և պանրին: Առաջին հայացքից ամեն ինչ շատ լավ է՝ սոյան նվազեցնում է խոլեսթերինի մակարդակը, բարելավում նյութափոխանակությունը, սպիտակուցի լավ աղբյուր է և նույնիսկ նվազեցնում է քաղցկեղի սպառնալիքը: Դրանից բացի, դրանք սպունգի պես ներծծում են հողի և ջրի մեջ եղած նյութերը:

4. Կարագ

Խոլեսթերին, ճարպեր, կալորիաներ՝ ահա այն ամենը, որոնք վաղուց կապված են կարագի հետ: Սակայն ճիշտ սնվելու դեպքում շատ մասնագետներ խորհուրդ են տալիս մոռանալ այս կարծրատիպերի մասին: Նրանք պնդում են, որ կարագի չափավոր օգտագործումը չի վնասում օրգանիզմին: Կարագում առկա վիտամիններն ու ճարպաթթուներն անհրաժեշտ են օրգանիզմի նորմալ գործունեության համար:

5. Թարմ քամված հյութեր

Մրգերը պարունակում են օգտակար բջջանք և շաքարց: Հյութ պատրաստելիս բջջանքը հեռացվում է, մնում են ածխաջրերը: Կալորիականությամբ մեկ բաժակ թարմ հյութը մեկ բաժակ գազավորված քաղցր ըմպելիքի է հավասար: Այնպես որ, թարմ քամված հյութերով նիհարել հաստատ չի հաջողվի: Հարկավոր է հիշել նաև, որ բնական հյութերը կարող են վնասել ատամների էմալը:

Հարցեր, պատասխաններ, մեկնաբանություններ